ಹುಚ್ಚುತನ?
ಎಷ್ಟೋ ವಸ್ತುಗಳನ್ನು ಗೊತ್ತಿಲ್ಲದೆಯೇ ಕಳೆದುಕೊಳ್ಳುತ್ತೇನೆ, ಎಷ್ಟನ್ನೋ ಗೊತ್ತಿದ್ದೂ ಕಳೆದುಕೊಳ್ಳುತ್ತೇನೆ. ನಾ ಪ್ರೀತಿಸುವವರ ಸಲುವಾಗಿ ಇಷ್ಟದ್ದನ್ನು ಕಳೆದುಕೊಳ್ಳುತ್ತೇನೆ. ನಿನಗೆ ನಿನ್ನದೆಲ್ಲವನ್ನೂ ಹಂಚಿಕೊಳ್ಳಲು ಬೇರೊಬ್ಬರಿರಬಹುದು ಆದರೆ ನನಗೆ ಮಾತ್ರ ಪ್ರತಿಯೊಂದಕ್ಕೂ "ನೀನೇ " ಬೇಕು.... ನಿನಗಾಗಿ ಕ್ಷಣ ಕ್ಷಣ ಎಣಿಸಿ ಜನ್ಮವಿಡೀ ಕಾದುಬಿಡುವೆ, ಬಾಯಿಬಿಟ್ಟು "ಬರಲಾರೆ" ಎನಬೇಡ. ಒಮ್ಮೊಮ್ಮೆ............................... ನಿನ್ನ ಕೂಗಿ ಕರೆಯಬೇಕು, ಕೈ ಚಾಚಿ ಬರಮಾಡಿಕೊಳ್ಳಬೇಕು ಅಂದುಕೊಳ್ಳುತ್ತೇನೆ. ಆದರೆ ನನ್ನಿಂದ ಅದು ಸಾಧ್ಯವೇ ಆಗದು... ಏಕೆಂದರೆ ನೀನು ನನ್ನವನಲ್ಲ, ನೀನೇ ನೀಡಿದ ನೋವ ಮರೆಯಲು ನೀನು ಸಾವಿರ ಸಲಹೆಗಳನ್ನು ಕೊಡಬಹುದು. ನಾನದರ ಸ್ವೀಕರಿಸಲಾರೆ. ನೀನಿಲ್ಲದಿದ್ದರೂ ನಿನ್ನ ನೆನಪುಗಳಾದರೂ ಜೊತೆಯಿರಲಿ, ನನ್ನ ನಗುವಿಗೊಂದು ಕಾರಣವಿರಲಿ. ಬೇಡ ಎನ್ನಬೇಡ.
ಇಂತಿ ನಿನ್ನವಳು
No comments:
Post a Comment