ನಿನ್ನೊಂದಿಗೆ ನನ್ನ ಬಾಳು
ನೀ ನು ಅ o ತ ರ್ಯಾ ಮಿ : ನನ್ನೊಳಗೆ ನಿನ್ನ ಭಾವಗಳ ಭೋರ್ಗರೆತವಿಲ್ಲ. ಅವು ಹುಚ್ಚೆದ್ದು ಆರ್ಭಟಿಸುವುದಿಲ್ಲ . ನೀ ಮೌನಗಂಗೆಯಾಗಿ ನನ್ನಲ್ಲೇ ಪ್ರವಹಿಸುತ್ತೀ . ನಿನ್ನ ನೆನಪುಗಳೂ ಹಾಗೆಯೇ, ಒಳಗೊಳಗೇ ಹರಿದು ಮನದ ಭೂಮಿಯ ಮೇಲಿನ ಕಡಲ ಸೇರುತ್ತವೆ. ನೋಡುವವರಿಗೆ ನಾನು ದೃಷ್ಟಿ ಕೆಳಗೆ ಹಾಕಿ ಕೂತ ಹೆಣ್ಣು, ಆದರೆ ನಾನು ನಿನ್ನ ನೆನಪುಗಳೊoದಿಗೆ ಸೆಣಸುತ್ತಾ ಇರುವವಳು.
ಅದೆಷ್ಟೋ ಬಾರಿ ನನ್ನ ನಾನೇ ಕೇಳಿಕೊಳ್ಳುತ್ತೇನೆ : ನಾನ್ಯಾಕೆ ನಿನ್ನ ನೆನೆಯುತ್ತೇನೆ ಎಂದು, ಉತ್ತರ ಶೂನ್ಯ. ನನ್ನ ಪ್ರತೀ ಹೆಜ್ಜೆಯಲ್ಲೂ ನಿನ್ನ ಕುರುಹು, ಪ್ರತೀ ಕ್ಷಣದಲ್ಲೂ ನಿನ್ನ ನೆನಪು, ಜೊತೆಗೆ ಅನುಭವಿಸಲಾಗದ, ಅವ್ಯಕ್ತ ವೇದನೆ. ನಾನು ಆ ವೇದನೆಯಿಲ್ಲದೆ ಬದುಕಲಾರೆನೇನೋ ಎನ್ನುವಷ್ಟರ ಮಟ್ಟಿಗೆ ಅದು ನನ್ನೊಂದಿಗಿದೆ: ಅದೆಷ್ಟೋ ವರ್ಷಗಳಿಂದ.... ಏನಾಯಿತು ಗೆಳೆಯಾ, ನೀನಿಲ್ಲದಿದ್ದರೆ ನನ್ನ ಜೊತೆಗೆ, ನಿನ್ನ ನೆನಪುಗಳ ಗುಚ್ಚ ಸಾಕೆನಗೆ ಈ ಜನ್ಮಕೆ.
No comments:
Post a Comment